NAMMA OOR MEDIA

  திருவண்ணாமலை, ஆக. 05:* அருள்மிகு அண்ணாமலையார் திருக்கோவிலில் ஆடிப்பூர பிரம்மோற்சவம் இன்று கோலாகலமாக தொடங்கியது. இதையொட்டி அம்மன் சன்னதியான உண்ணாமலை அம்மன் கோவிலில் இன்று காலை கொடியேற்றம் நடைபெற்றது. கொடிமரத்தில் பக்தர்கள் முன்னிலையில் வேத மந்திரங்கள் முழங்க கொடி ஏற்றப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர். கொடியேற்றத்தை தொடர்ந்து அடுத்த 10 நாட்களுக்கு தினமும் சுவாமி, அம்பாள் வெவ்வேறு வாகனங்களில் வீதி உலா வந்து பக்தர்களுக்கு அருள்பாலிக்க உள்ளனர்.

  *முனுகப்பட்டு, ஜூலை 28* முனுகப்பட்டு வாழைப்பந்தல் அருள்மிகு ஶ்ரீ பச்சையம்மன் திருக்கோயிலில் ஆடி மாத 2-ம் திங்களை முன்னிட்டு ஏராளமான பக்தர்கள் கூடி சிறப்பு வழிபாடு நடத்தினர். நேற்று காலை முதலே பக்தர்கள் குடும்பம் குடும்பமாக கோவிலுக்கு வருகை தந்தனர். கோவில் வளாகத்தில் அம்மனுக்கு ஆடி மாத பொங்கல் வைத்து நேர்திக் கடன் செலுத்தினர். தொடர்ந்து அருள்மிகு ஶ்ரீ பச்சையம்மனுக்கு சிறப்பு அபிஷேக ஆராதனைகள் நடைபெற்றன. பூக்களால் அலங்கரிக்கப்பட்ட அம்மனுக்கு மஞ்சள், பால், தேன் உள்ளிட்ட பொருட்களால் அபிஷேகம் செய்யப்பட்டு சிறப்பு பூஜைகள் நடத்தப்பட்டன. "ஆடி மாதத்தில் அம்மனை வழிபட்டால் குடும்பத்தில் ஒற்றுமையும், செல்வமும் பெருகும்" என்பது பக்தர்களின் நம்பிக்கை. எனவே ஏராளமானோர் விரதம் இருந்து வழிபாடு செய்தனர். கோவில் நிர்வாகம் சார்பில் பக்தர்களுக்கு பிரசாதம் வழங்கப்பட்டது. *- GOPI ALL NEWS *

திருவண்ணாமலை அண்ணா நுழைவு வாயில் அருகில், வாலிபர்-மாணவர் சங்கம் சார்பில் நீட் தேர்வை ரத்து செய்ய வலியுறுத்தியும், மத்திய கல்வி அமைச்சர் தர்மேந்திர பிரதான் பதவி விலகக் கோரியும் தொடர் காத்திருப்பு போராட்டம் நடைபெற உள்ளது. இந்த போராட்டம் 24.07.2026 வெள்ளிக்கிழமை மாலை 3.00 மணியளவில் தொடங்கும் என அமைப்பினர் தெரிவித்துள்ளனர். நீட் தேர்வு மாணவர்களின் கல்வி மற்றும் சமூக நீதியை பாதிப்பதாகக் கூறி, அதனை முழுமையாக ரத்து செய்ய வேண்டும் என போராட்டக்காரர்கள் கோரிக்கை விடுத்துள்ளனர். மேலும், கல்வித்துறையில் ஏற்பட்டுள்ள பல்வேறு பிரச்சினைகளுக்கு பொறுப்பேற்று மத்திய கல்வி அமைச்சர் தர்மேந்திர பிரதான் பதவி விலக வேண்டும் என்றும் வலியுறுத்தியுள்ளனர். இந்த போராட்டத்தில் ஜனநாயக சக்திகள், மாணவர்கள், இளைஞர்கள் மற்றும் பொதுமக்கள் அனைவரும் பெருமளவில் கலந்து கொண்டு ஆதரவு தெரிவிக்குமாறு வாலிபர்-மாணவர் சங்கம் அழைப்பு விடுத்துள்ளது.

  திருவண்ணாமலை மாவட்டம் ஆரணி அடுத்த சேவூர் பகுதியில் உள்ள குல்லா பாய் அசைவ உணவகத்தில் உணவு அருந்தியவர்களுக்கு உடல்நலக் குறைவு ஏற்பட்ட சம்பவம் பரபரப்பை ஏற்படுத்தியுள்ளது.  இந்தஉணவகத்தில் உணவு சாப்பிட்ட 8 சிறுவர்கள் உள்ளிட்ட 20-க்கும் மேற்பட்டோருக்கு வாந்தி, வயிற்றுப்போக்கு மற்றும் தலைசுற்றல் போன்ற அறிகுறிகள் ஏற்பட்டன. உடனடியாக அவர்கள் அனைவரும் ஆரணி அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். தற்போது அனைவரும் சிகிச்சை பெற்று வருகின்றனர். *அதிகாரிகள் விசாரணை:* இது குறித்து தகவல் அறிந்த உணவு பாதுகாப்பு துறையினர் மற்றும் வருவாய் துறையினர் சம்பவ இடத்திற்கு விரைந்து விசாரணை நடத்தி வருகின்றனர். உணவில் கலப்படம் இருந்ததா என உணவு மாதிரிகள் பரிசோதனைக்கு அனுப்பி வைக்கப்பட்டுள்ளன. இச்சம்பவம் குறித்து அப்பகுதி மக்கள், "இதுபோன்ற உணவகங்கள் மீது கடும் நடவடிக்கை எடுக்க வேண்டும்" என கோரிக்கை விடுத்துள்ளனர்.

   16 ஜூலை 2026* ஆடி மாத வெள்ளிக்கிழமையை முன்னிட்டு தமிழ்நாட்டில் பல ஊர்களில் பூந்தோட்டம் மலர்சந்தையில் பூக்களின் விலை கணிசமாக உயர்ந்துள்ளது. கோவில் வழிபாடு மற்றும் வீடுகளில் பூஜைக்கு தேவை அதிகரித்ததால் மலர்களின் விலை ஏற்றம் கண்டுள்ளது. இதனால் பொதுமக்கள் மற்றும் வியாபாரிகள் விலை உயர்வால் சற்று சிரமம் அடைந்துள்ளனர். *இன்றைய பூக்களின் விலை விவரம்:* - *ஒரு கிலோ குண்டு மல்லிப்பூ* - 600 ரூபாய் - *ஒரு கிலோ சாமந்தி* - 500 ரூபாய் - *ஒரு கிலோ பன்னீர் ரோஜா* - 250 ரூபாய் வழக்கத்தை விட இந்த வாரம் விலை இருமடங்காக உயர்ந்துள்ளதாக வியாபாரிகள் தெரிவிக்கின்றனர். ஆடி வெள்ளி முடியும் வரை விலை இப்படியே நீடிக்கும் எனவும் கூறப்படுகிறது.

ஆரணி அரசு பள்ளி ஆசிரியர் வீட்டில் தங்க நகை கொள்ளை - 21 சவரன் கொள்ளை ஆரணி: திருவண்ணாமலை மாவட்டம் ஆரணி டவுன் சைதாப்பேட்டை அண்ணா நகர் பகுதியில் அரசு பள்ளி ஆசிரியர் வீட்டில் மர்ம நபர்கள் 21 சவரன் தங்க நகைகளை கொள்ளையடித்து சென்ற சம்பவம் பரபரப்பை ஏற்படுத்தியுள்ளது. நடந்தது என்ன? அண்ணா நகரில் வசித்து வரும் அரசு பள்ளி ஆசிரியர் மணிகண்டன் என்பவரின் வீட்டில் நேற்று மர்ம நபர்கள் புகுந்து பீரோவை உடைத்து 21 சவரன் தங்க நகைகளை திருடி சென்றுள்ளனர். போலீசார் விசாரணை இதுகுறித்து தகவலறிந்த ஆரணி நகர காவல் நிலைய போலீசார் சம்பவ இடத்திற்கு விரைந்து வந்து வீட்டை பார்வையிட்டு தடயங்களை சேகரித்தனர். சிசிடிவி காட்சிகளை கொண்டு மர்ம நபர்களை தேடி வருகின்றனர். பட்டப்பகலில் ஆசிரியர் வீட்டில் கொள்ளை நடந்ததால் அப்பகுதி மக்கள் அச்சமடைந்துள்ளனர். விரைவில் குற்றவாளிகளை கைது செய்ய வேண்டும் என பொதுமக்கள் கோரிக்கை விடுத்துள்ளனர். Source: WORLD NEWS 512 | Date: 16-07-2026

*WORLD NEWS 512 - இணையதள செய்தி*  *65 வயதுக்கு மேற்பட்ட முதியவர்களுக்கு இலவச திருப்பதி தரிசனம்* *ஆந்திர முதல்வர் சந்திரபாபு நாயுடு புதிய திட்டம் அறிவிப்பு* *திருப்பதி: முதியோர்களுக்காக ஆந்திரப் பிரதேச முதலமைச்சர் மாண்புமிகு *திரு. நாரா சந்திரபாபு நாயுடு* அவர்கள்  "இலவச திருப்பதி பாலாஜி தரிசனத் திட்டத்தை" தொடங்கி வைத்துள்ளார்.  *திட்டத்தின் முக்கிய விவரங்கள்:* *பயனாளிகள்: 65 வயது மற்றும் அதற்கு மேற்பட்ட முதியவர்கள் *இலவச தரிசன நேரங்கள்:* காலை *10:00 மணி* மற்றும் பிற்பகல் *3:00 மணி* *நுழைவு முறை:* ஆதார் போன்ற புகைப்பட அடையாள அட்டை மற்றும் வயதுச் சான்றை கவுண்டர் S-1 இல் காட்டினால் மட்டும் போதும்.  *முதியவர்களுக்கான சிறப்பு வசதிகள்:* 1. *இலவச உணவு:* தரிசனத்திற்கு பிறகு சாம்பார் சாதம், தயிர் சாதம் மற்றும் ஆடா பால் வழங்கப்படும். 2. *பேட்டரி கார் வசதி:* கோயிலுக்குள் செல்லவும், வெளியே வரவும் இலவச பேட்டரி கார் வசதி ஏற்பாடு செய்யப்பட்டுள்ளது. *கோயிலுக்கு செல்லும் வழி:* கோயிலின் வலது சுவரையொட்டி, பாலத்தின் கீழுள்ள மண்டபத்தின் வழியாக செல்ல வேண்டும். படிக்கட்டுகளில் ஏற தேவையில்லை...