தமிழ் நாட்டில் நாளை 27 மாவட்டங்களுக்கு கனமழை எச்சரிக்கை

 தமிழ்நாட்டில் அடுத்த 2 நாட்களுக்கு கனமழை எச்சரிக்கை –

தமிழ் நாட்டில் உள்ள 27 மாவட்டங்களுக்கு கனமழை பெய்யும் என வானிலை மையம் எச்சரிக்கை அறிவிப்பு 

சென்னை, ஜூன் 18: தமிழ்நாட்டின் பல பகுதிகளில் அடுத்த 48 மணி நேரத்திற்கு மழை தொடரும் என இந்திய வானிலை ஆய்வு மையம் (IMD) தெரிவித்துள்ளது. குறிப்பாக மேற்கு, மத்திய மற்றும் தென் மாவட்டங்களில் கனமழைக்கு வாய்ப்புள்ளதாக எச்சரிக்கை விடுக்கப்பட்டுள்ளது.

வானிலை மையத்தின் கணிப்பின்படி, கோயம்புத்தூர், நீலகிரி, திருப்பூர், ஈரோடு, சேலம், நாமக்கல், கரூர், திருச்சி, தஞ்சாவூர், புதுக்கோட்டை, சிவகங்கை, மதுரை, தேனி, திண்டுக்கல் உள்ளிட்ட மாவட்டங்களில் இடியுடன் கூடிய கனமழை பெய்யக்கூடும். சில பகுதிகளில் மணிக்கு 40 முதல் 50 கிலோமீட்டர் வேகத்தில் காற்று வீசும் வாய்ப்பும் உள்ளது.

மேலும், ஜூன் 19-ஆம் தேதியும் தமிழ்நாட்டின் பல மாவட்டங்களில் பரவலாக மழை தொடரும் என வானிலை ஆய்வு மையம் தெரிவித்துள்ளது. பொதுமக்கள் தேவையற்ற பயணங்களை  தவிர்க்கவும், தாழ்வான பகுதிகளில் வசிப்போர் முன்னெச்சரிக்கையுடன் இருக்கவும் அறிவுறுத்தப்பட்டுள்ளது.

தென்மேற்கு பருவமழை தமிழ்நாட்டின் பல பகுதிகளில் தீவிரமடைந்து வருவதால், விவசாயிகளும் பொதுமக்களும் வானிலை அறிவிப்புகளை தொடர்ந்து கவனிக்கும் மாறு அதிகாரிகள் கேட்டுக்கொண்டுள்ளனர்.