NAMMA OOR MEDIA

ஆறுபடை வீடுகளில் ஒன்றான பழனி மலை முருகன் திருக்கோவிலில்  அறநிலையத்துறை வரலாற்றில் முதல் முறையாக பழனி கோவிலின் ஓராண்டு வருமானம் ரூ.100 கோடியை கடந்து உயர்ந்துள்ளது. பஞ்சாமிர்தம் விற்பனையும் முதல் முறையாக ரூ.60 கோடியை தாண்டியதாக அறிவிக்கப்பட்டுள்ளது.

சென்னை பழைய வண்ணாரப்பேட்டையைச் சேர்ந்த வசந்தகுமார் (21) என்பவர் வால் டாக்ஸ் சாலையில் கத்தியால் குத்தி கொலை செய்யப்பட்டார். 2 இளைஞர்கள் சேர்ந்து கத்தியால் குத்திவிட்டு தப்பி ஓடிவிட்டனர். சிசிடிவி காட்சிகளை ஆய்வு செய்து பூக்கடை போலீசார் கொலையாளிகளை தேடி வருகின்றனர்.

 ரஜினி - தனுஷ் இணைந்து "எண்ணம் போல் வாழ்கை" புதிய கொடி வெளியீடு சென்னை. நடிகர் தனுஷ் தனது புதிய நற்பணி மன்றத்திற்கான அதிகாரப்பூர்வ கொடியை வெளியிட்டுள்ளார். இந்த வெளியீட்டு நிகழ்வில் சூப்பர்ஸ்டார் ரஜினிகாந்த் சிறப்பு விருந்தினராக கலந்து கொண்டார். வெள்ளை மற்றும் சிவப்பு நிறங்களை கொண்ட இந்த கொடியின் நடுவில் பெரிய சிவப்பு நட்சத்திரம் வடிவமைக்கப்பட்டுள்ளது. அந்த நட்சத்திரத்தின் உள்ளே மலை மற்றும் சூரிய உதய பின்னணியில் ரஜினிகாந்தின் உருவம் இடம்பெற்றிருப்பது அனைவரின் கவனத்தையும் ஈர்துள்ளது. "எண்ணம் போல் வாழ்கை" மற்றும் "எண்ணம் போல் தான் வாழ்கை" ஆகிய வாசகங்கள் கொடியில் இடம்பெற்றுள்ளன. ரஜினி மற்றும் தனுஷ் இருவரும் இணைந்து கொடியை ஏந்தியபடி எடுத்துக் கொண்ட புகைப்படம் தற்போது சமூக வலைதளங்களில் வைரலாகி வருகிறது. தனுஷ் ரசிகர்கள் இந்த கொடி வெளியீட்டை பெரும் உற்சாகத்துடன் கொண்டாடி வருகின்றனர். இந்த கொடி தனுஷ் ரசிகர்களின் நற்பணி மன்றத்திற்கான அதிகாரப்பூர்வ அடையாளமாக இருக்கும் என தெரிவிக்கப்பட்டுள்ளது.

  சென்னை:  சென்னை எழும்பூர் ரெயில் நிலையத்தில் பெண் டிக்கெட் பரிசோதகர் மற்றும் சட்டக் கல்லூரி மாணவி இடையே ஏற்பட்ட வாக்குவாதம் திடீரென கைகலப்பாக மாறி பெரும் பரபரப்பை ஏற்படுத்தியுள்ளது. நேற்று சென்னை கடற்கரை ரெயில் நிலையத்திலிருந்து எழும்பூர் ரெயில் நிலையத்திற்கு வந்திருந்த சட்டக் கல்லூரி மாணவியிடம், பணியில் இருந்த பெண் டிடிஆர்கள் வழக்கமான சோதனையாக பயணச்சீட்டை காண்பிக்குமாறு கேட்டுள்ளனர். அதற்கு மாணவி, "தான் ரெயிலில் பயணம் செய்யவில்லை. உறவினரை வழியனுப்புவதற்காக மட்டுமே நிலையத்திற்குள் வந்தேன்" என கூறியுள்ளார். இதையடுத்து பயணச்சீட்டு இல்லையெனில் *பிளாட்பார்ம் டிக்கெட்* காண்பிக்குமாறு அதிகாரிகள் கேட்டுள்ளனர். ஆனால் மாணவியிடம் பிளாட்பார்ம் டிக்கெட்டும் இல்லை. இதனால் இருவருக்கும் இடையே வாக்குவாதம் முற்றி, ஆத்திரமடைந்த மாணவி பெண் டிடிஆரை *"பளார்"* என அறைந்துவிட்டதாக கூறப்படுகிறது. இந்த சம்பவத்தால் எழும்பூர் ரெயில் நிலையத்தில் சிறிது நேரம் பதற்றமான சூழல் நிலவியது. இது தொடர்பாக ரெயில்வே பாதுகாப்பு படையினர் விசாரணை நடத்திவருகின்றனர்.

சென்னை: மின்சார ரீடிங் எடுக்கும் பணியை டிஜிட்டல் முறையில் மேம்படுத்தும் வகையில் தமிழ்நாடு மின் பகிர்மான கழகம் முக்கிய உத்தரவு ஒன்றை பிறப்பித்துள்ளது. 1. ரூ.10,000 நிதி உதவி:  மின்சார ரீடிங் எடுக்கும் ஊழியர்கள் புதிய மொபைல் மற்றும் சிம் வாங்குவதற்காக *ரூ.10,000 நிதி உதவி* வழங்கப்படும். 2. CUG சிம்: மொபைல் செயலி மூலம் மீட்டர் ரீடிங் எடுப்பவர்களுக்கு *போஸ்ட்பெய்ட் CUG சிம்* வழங்கப்படும். 3. *ஒருமுறை மட்டுமே:* இந்த ரூ.10,000 தொகை *5 ஆண்டுகளுக்கு ஒருமுறை மட்டுமே* ஊழியர்களுக்கு வழங்கப்படும் என தெரிவிக்கப்பட்டுள்ளது.

  சென்னை:* வடமேற்கு வங்க கடலோர பகுதியில் புதிய காற்றழுத்த தாழ்வு பகுதி உருவாகியுள்ளதாக சென்னை வானிலை ஆய்வு மையம் இன்று 02.07.2026 தெரிவித்துள்ளது. *எதிர்பார்க்கப்படும் மழை:* இந்த காற்றழுத்த தாழ்வு பகுதி காரணமாக வட தமிழகத்தில் நாளை 03.07.2026 பலத்த காற்றுடன் மிதமான மழை பெய்யக்கூடும் என வானிலை மையம் கணித்துள்ளது. *சென்னை நிலவரம்:* தலைநகர் சென்னையில் இன்று மாலை மற்றும் இரவு நேரங்களில் மிதமான மழைக்கு வாய்ப்புள்ளதாக அறிவிக்கப்பட்டுள்ளது. நகரின் பல பகுதிகளில் வானம் மேகமூட்டத்துடன் காணப்படும்.

 நண்பா 😢 சோகமான விபத்து நியூஸ். WORLD NEWS 512-ல உடனே போடுங்க* 👇  *மணாலி அடல் சுரங்கப்பாதை அருகே பயங்கர விபத்து: கட்டுமான பாலத்தில் கார் கவிழ்ந்து சுற்றுலா பயணி உயிரிழப்பு* *மணாலி:* இமாச்சலப் பிரதேசம் மணாலியில் உள்ள அடல் சுரங்கப்பாதை அருகே கட்டுமானத்தில் இருந்த பாலத்தில் ஸ்கார்பியோ கார் கட்டுப்பாட்டை இழந்து கவிழ்ந்து விபத்துக்குள்ளானது. இந்த கோர விபத்தில் சுற்றுலா பயணி ஒருவர் சம்பவ இடத்திலேயே உயிரிழந்தார். *நடந்தது என்ன?* அடல் சுரங்கப்பாதையின் வடக்கு நுழைவாயிலைக் கடந்து வந்த ஸ்கார்பியோ கார், அதிவேகமாக வந்ததால் வளைவில் திருப்ப முடியாமல் கட்டுப்பாட்டை இழந்தது. கார் நேராக சந்திரா நதியை நோக்கி பாய்ந்து, ஆற்றின் குறுக்கே கட்டப்பட்டு வந்த பாலத்தின் மீது பயங்கரமாக மோதியது. *விபத்தின் காட்சி:* மோதிய வேகத்தில் கார் தலைகீழாக கவிழ்ந்து, பாலத்தின் கட்டுமானத்திற்காக நிறுத்தப்பட்டிருந்த கம்பிகளுக்கு இடையே சிக்கிக்கொண்டது. காரின் முன்பகுதி முற்றிலும் நொறுங்கியது. *மீட்பு பணி:* தகவல் அறிந்து வந்த காவல்துறை மற்றும் மீட்புக்குழுவினர், காரில் சிக்கியிருந்தவர்களை மீட்டனர். ஆனால் காரில் பயணித்த ...

புதுடெல்லி:  வெளிநாடு செல்வோருக்கு அதிர்ச்சி தரும் வகையில், புதிய பாஸ்போர்ட் விண்ணப்ப கட்டணத்தை மத்திய அரசு இன்று 01.07.2026 முதல் அதிரடியாக உயர்த்தியுள்ளது. *புதிய கட்டண விவரம்:* 1. சாதாரண முறை: 36 பக்கங்கள் கொண்ட புதிய பாஸ்போர்ட் விண்ணப்ப கட்டணம் ₹1,500-ல் இருந்து ₹2,500 ஆக உயர்வு. 2. தட்கல் முறை:  அவசரமாக விண்ணப்பிக்கும் தட்கல் முறையில் கட்டணம் *₹5,000 ஆக நிர்ணயம். 3. 60 பக்க பாஸ்போர்ட்:  அடிக்கடி வெளிநாடு செல்வோருக்கான 60 பக்கங்கள் கொண்ட பாஸ்போர்ட் விண்ணப்பிக்க ₹3,500 ஆகவும், தட்கல் முறையில் ₹6,000* ஆகவும் உயர்த்தப்பட்டுள்ளது.

சென்னை: தமிழ்நாடு அரசு மருத்துவமனைகளில் புறநோயாளிகள் சிகிச்சைக்கான OP சீட்டு பெறும் முறையை எளிமைப்படுத்தும் வகையில், QR Code மூலம் மொபைலிலேயே OP சீட்டு பெறும் புதிய வசதி அறிமுகப்படுத்தப்பட்டுள்ளது. முதற்கட்டமாக சென்னை ராஜீவ் காந்தி அரசு பொது மருத்துவமனை மற்றும் கீழ்ப்பாக்கம் அரசு மருத்துவமனை ஆகிய இடங்களில் இந்த சேவை தொடங்கப்பட்டுள்ளது. இதன் மூலம் நோயாளிகள் மருத்துவமனைக்கு வந்து நீண்ட நேரம் வரிசையில் காத்திருக்க தேவையில்லை. மருத்துவமனை வளாகத்தில் உள்ள QR Code-ஐ மொபைலில் Scan செய்தால் போதும், உடனடியாக OP சீட்டு Digital ஆக கிடைத்துவிடும். இதைத் தொடர்ந்து, மாநிலம் முழுவதும் உள்ள அனைத்து அரசு மருத்துவமனைகளிலும் OP சீட்டுக்கு பயன்படுத்தக்கூடிய செயலி விரைவில் அறிமுகமாகும் என சுகாதாரத்துறை வட்டாரங்கள் தெரிவித்துள்ளன. இணையதளம் வாயிலாக OP சீட்டு பெறும் சேவையை மேலும் எளிமைப்படுத்தும் வகையில் இந்த QR கோடு சேவை கொண்டு வரப்பட்டுள்ளது.

  இன்று நமது தமிழக முதல்வர் திரு C.ஜோசப் விஜய் அவர்களின் பிறந்தநாள் விழா பொதுமக்கள், மற்றும் அரசியல் கட்சி தலைவர்கள் வாழ்த்து தெரிவித்தனர். சென்னை, ஜூன் 22: தமிழக முதல்வரின் பிறந்தநாள் விழா இன்று மாநிலம் முழுவதும் உற்சாகமாக கொண்டாடப்படுகிறது. பல்வேறு பகுதிகளில் பொதுமக்கள், மற்றும் கட்சி தலைவர்கள் நிர்வாகிகள் மற்றும் தொண்டர்கள் மற்றும் ரசிகர்கள் மற்றும் சமூக அமைப்புகள் சார்பில் பல நலத்திட்ட உதவிகள், மற்றும் அன்னதானம், மரக்கன்றுகள் நடுதல் உள்ளிட்ட பல நிகழ்ச்சிகள் நடைபெற்று வருகின்றன. மேலும் பல அரசியல் தலைவர்கள், அரசு அதிகாரிகள் மற்றும் பல்வேறு துறைகளைச் சேர்ந்த முக்கிய பிரமுகர்கள் சமூக வலைத்தளங்கள் வாயிலாக தங்கள் வாழ்த்துகளைத் தெரிவித்துள்ளனர். முதல்வர் நீண்ட ஆயுளுடன் மக்கள் சேவையை தொடர்ந்து மேற்கொள்ள வேண்டும் என வாழ்த்துகள் தெரிவிக்கப்பட்டுள்ளன.

  வாட்ஸ்அப் பிளஸ் சேவை அறிமுகம்? மாதம் ரூ.79 கட்டணத்தில் புதிய அம்சங்கள்! உலகின் முன்னணி தகவல் தொடர்பு செயலியான வாட்ஸ்அப், பயனர்களுக்காக புதிய சந்தா அடிப்படையிலான "WhatsApp Plus" சேவையை அறிமுகப்படுத்த உள்ளதாக தகவல்கள் வெளியாகியுள்ளன. இந்த சேவைக்கு மாதம் ரூ.79 கட்டணம் நிர்ணயிக்கப்படலாம் என கூறப்படுகிறது. இந்த பிரீமியம் திட்டத்தின் மூலம் பிரத்யேக ஸ்டிக்கர்கள், தனிப்பயன் ஆப் ஐகான் தேர்வு, செயலியின் தோற்றத்தை மாற்றும் வசதி, சிறப்பு ரிங்டோன்கள் மற்றும் கூடுதல் உரையாடல்களை பின் செய்யும் (Pin) வசதிகள் உள்ளிட்ட பல புதிய அம்சங்கள் வழங்கப்படலாம் என தகவல் வெளியாகியுள்ளது. எனினும், இந்த சேவை தொடர்பாக வாட்ஸ்அப் நிறுவனம் அதிகாரப்பூர்வ அறிவிப்பை இன்னும் வெளியிடவில்லை. இதனால் சமூக வலைதளங்களில் பரவி வரும் தகவல்கள் குறித்து பயனர்கள் கவனத்துடன் இருக்க வேண்டும் என தொழில்நுட்ப வல்லுநர்கள் தெரிவிக்கின்றனர்.